بە ڕاپۆرتی کوردەواری، سەردار محەمەد پاکپور، فەرماندە هێزی وشکانی سوپای پاسداران قۆناغی کۆتایی مانۆڕی شەهیدانی کوردی موسوڵمانی لە ناوچە کوردنشینەکان ڕاگەیاند و وتی: ئەم مانۆڕە لە دەروازەی شلێرەوە دەست پێ دەکات تاکوو بەرزاییە شاخاوییەکانی چل چەمە درێژەی هەیە کە بەشێکی زۆری هاوسنوورە لەگەڵ باکووری عێراق.

ئەو زیادی کرد: هێە خۆجێیەکانی ناوچەکە، لەشکەری 22ی بەیتولموقەدەس، سوپای بەیتولموقەدەس، سوپای شارەکانی سەقز، دیواندەرە و مریوان و هێزی ئاسمانی تیپی ئیمامی زەمان و یەکینەی کۆماندۆیی سابرین لەم مانۆڕە بەشدارن. لەم مانۆڕە هەموو هەماهەنگییەکان لە نێو هێرەکان کراوە تاکوو گەر بۆشایەک بوو چارەسەر بکرێت و لە کاتی ڕووبەڕوو بوونەوی بەڕاستی هیچ کەم و کۆڕییەکمان نەبێت. 

 
سەردار پاکپور وتی: ناوچەی ئەم مانۆڕە بەستراوەتەوە بە هەرێمی کوردستان لە باکوری عێراق چون بڕێک تیرۆریست لەم ناوچەیە سود دەبەن و گرنگ ترین ئامانجی ئەم مانۆڕە سەربازیەش خاوێن کردنەوەی ناوچەکە لەم تیرۆریستانەیە. ئەم کارە لە ساڵانی پێشووشدا ئەنجام دراوە و ئێستە دژبرانی شۆڕش زۆر باش دەزانن ئێمە چاوپۆشی لە هیچ جۆرە کارێکی تێکدەرانە ناکەین کە ئەمنیەتی وڵاتەکەمان ڕووبەڕووی مەترسی بکات.

ئەم فەرماندە باڵایەی سوپای پاسدارن درێژەی دا: هەر خاڵێک لە ناوچەکە تیرۆریستانی تێدا بێت دەیکەینە ئامانج ساڵی 97 و 98 ناوەندی تیرۆیستەکان لە شاخی سنجقمان کردە ئامانجی هێرشی موشەکی و لە سەر سنووریش بە توپخانە بە خەستی لێمان دان. لەم ساڵیشدا تیرۆریستەکان باش بزانن هەر جووڵەیەک بکەن بە توودنی وڵامیان دەدەینەوە. 

 
سەردار پاکپور جەختی کرد: بەرپرسانی هەرێمی کوردستان و عێراق کە برای ئێمەن زیاتر ئەمنیەتی سنوورەکانیان بپارێزن و نابێت خاکی ئەوان بۆ هێرش کردن بەکار بێت. داواش لە خەڵکی باکووری عێراق دەکەین تیرۆریستەکان لە خۆیان دوور بخەنەوە و ئەگەریش ناتوانن لە بنکەکانی ئەوان دوور بکەونەوە چون ئێمە هەموو بنکەکانی ئەوان دەکەینە ئامانج.